روايتي إلاولى [خريجات لوس أنجلوس ] رواية جمميله ورإاائعه

 

 


 

و قل اعملوا فسيرى الله عملكم و رسوله و المؤمنون
سبحان الله و بحمده سبحان الله العظيم
بسم الله ما شاء الله

 




منتدي حلم النسيان
العودة   منتدى حلم النسيان > حلم الشعر و الخواطر > روايات - روايات كاملة - روايات طويله
الملاحظات

 
روايتي إلاولى [خريجات لوس أنجلوس ] رواية جمميله ورإاائعه
روايتي إلاولى [خريجات لوس أنجلوس ] رواية جمميله ورإاائعه
قديم منذ /25-09-2012   #1

حلم جديد

bandosh غير متواجد حالياً

رقم العضوية : 19084
تاريخ التسجيل : Sep 2012
المشاركات : 6
نقـــاط الخبـرة : 11
التفاعل : %:
: % : % : %
14 روايتي إلاولى [خريجات لوس أنجلوس ] رواية جمميله ورإاائعه

السلام عليكم حبايبي .
هذا أول موضوع لي أنزله بالمنتدى عبارة عن رواية جميله من كتاباتي .. وأبي ردود رائعة وتفاعل معي. !اسم الرواية (خريجات لوس أنجلوس ) .. أتمنى لكم قراءة ممتعه حبايبي
قبل كل شي أسماء البطلات اللي أنا حطيتهم هي نفسها أسماء صاحباتي لكن شخصية البطلة نفسها غير بس حبيت أقولكم هالشي أنو الأسماء م جبتها كذآ من بالي هي أسماء صاحباتي !!
-
-
-
الرواية عبارة عن أربع بنات مبتعثات للدراسة خارج المملكة راح تكون فيه اكشنات ومغامرات وكذا ..!
راح أكتب الجزء الأول والثاني تقريبا عن حياة بطلاتي ب الرواية داخل الممكلة عشان تعرفون شخصياتهم وجزء من حياتهم بعدين راح أبدا بسفرتهم !
بسم الله نبدأ بالشخصيات
بيت عهود ؛ الأب : حمد رئيس أكبر مؤسسه ب الرياض وكنيته ابو خالد . شخصيته (من النوع اللي مرفه عياله ومدلع بناته أكثر من الأولاد ).
الأم : سارة : ربة منزل شخصيتها (شديدة شوي علئ البنات لأنها تفضل عيالها أكثر من بناتها كالعاده في الأمهات يعني )
خالد: أكبر عيال ابو خالد عمره 30 متزوج وعنده ولد واسمه حمد زوجته اسمها : منيرة .
منال: أكبر البنات بعد خالد عمرها 28 متزوجة واسم زوجهاا فهد
آمال : بنت متوظفة ف أحد البنوك ف الرياض عمرها 26 مخطوبة
ماجد : طالب جامعي تخصص طب عمره 25 .
عهود : طالبة جامعية تحضر الماجستير والدكتوراه عمرها 24 وهي طالبه من الطلاب المبتعثين ب الرواية !
-------
بيت مرام .الأب ؛ ناصر : شريك لأبو خالد ف المؤسسة .وكنيته ابو فهد
الأم : سارة ربة منزل تقريبا نفس شخصية أم خالد .
نوال : أكبر بنات ابو محمد عمرها 33 متزوجة وعندها ولدين وإسمائهم ، ناصر وراشد واسم زوجها أحمد .
فهد : زوج منال بنت ابو خالد عمره 29 شريك أيضا مع أبوه في مؤسسه ابو خالد .
مصعب : عمره 26 شريك مع أبوه ف مؤسسة ابو خالد متزوج واسم زوجته أماني .
رائد : عمره 25 متوظف مع ابو وأخوه ف مؤسسة ابو خالد خاطب ومتملك واسم زوجته : روان .
مرام : عمرها 24 طالبه جامعيه تحضر الدكتوراه والماجستير وحده من شلة عهود ومن المبتعثين .
----
بيت مناهل ،الأب : ماجد ؛ رئيس إحدى مؤسسات السيارات ف الرياض صديق ابو خالد وأبو فهد وكنيته ابو فيصل
الآم : منيرة : تشتغل ف جامعة الأميرة نورة ف قسم العماده .
فيصل : أكبر عيال ابو فيصل عمره 29 مو متزوج وما يجئ في باله الزواج أبدن موظف في مؤسسة أبوه.
نواف : موظف مع أبوه وأخوه عمره 27 .
راشد : موظف في البنك اللي تشتغل فيه آمال بنت ابو خالد عمره 26
مناهل : أصغر العنقود مثل م يقولون عمرهاا 25 وحده من شلة عهود طالبه جامعيه ومبتعثه .
-----
بيت نوف . الأب : محمد : شريك مع ابو خالد وأبو فهد كنيته ابو سالم .
سالم : أكبر عيال ابو سالم عمره 32 متزوج وعنده ولد وبنت وأساميهم : ميار ومحمد واسم زوجته : سارة .
نواف : دكتور ف إحدى المستشفيات عمره 30 متزوج وعنده ولدين وأساميهم ؛ خالد وراكان وأسم زوجته ؛ البندري .
سعد : متوظف مع أخوه وأبوه ف شركة ابو خالد عمره 29 متزوج وعنده بنت : اسمها لمار واسم زوجته مها .
نايف : متوظف مع أبوه عمره 27 مو ميوله الزواج وكذا كان متزوج وطلق وأخذ تجربه ومايبي يعيدها .
نورة : متوظفة ف أحدى البنوك عمرها 26 غير متزوجة ولا تبي تتزوج يعني .
نوف : آخر العنقود عمرها 25 وحده من شلة عهود مبتثعه وطالبه جامعيه .



الفصل الأول ::
في بيت ابو خالد كان وقت العصر ماجد وأبوه وأمه توهم مصحصحين من قيلولة الظهر وكانو جالسين ب الصالة وآمال وعهود بغرفهم .
ابو خالد : ماجد ! (يناديه وهو يتقهوى )
ماجد : نعم (يجاوب ابوه وهو مو منتبه له أصلا )
ابو خالد : كلم أخوك خالد شف ؤين راح نبي نسأل عنه وعن عياله .
ماجد : جعلني قبلك يبه مابه أخبار عن خالد مغير يدور بذأ الأسواق يلحق مرته .
أم خالد : وراك تقول كذآ أخوك عيب عليك (تكلمه وهي تقرص عيونهآ في ماجد )
ابو خالد : وهو صادق ماجد مابه خلاف علئ كلامه خالد مضيعته مرته يمين ويسار ي كافي .
أم خالد وهي معصبه : أقول أنت وياه لا تحكون كذآ عن ولدي ، إصلن ولدي ماعليه قاصر وهو يلحق زوجته حبن لها موب طاعه خل عنك الكلام الزايد ي ماجد وأنت يابو خالد ذا ولدك مهمن كان ولا كلامي بوه خلاف .
فذا الوقت دخلت عهود : وش بلآس يمه صوتس واصلن لي بالغرفة عساس تحكين عن خالد كالعادة صح ؟
ماجد : وأمس فيه غير خالد تحكي عنه .
ابو خالد : أمس ي عهود متعصبتن بولدهاا الخروف خالد ذا اللي يلحق مرته ي كافي
ماجد وهو يضحك ويعدل جلسته ويقرب لأمه : الظاهر أميمتي ما تشوف غيره وحنا مثل م يقولون صفر علئ الشمال وشكلك يبه معناا علئ الشمال .
ابو خالد وهو يتنطز : تهقى أني معكم ؟
عهود : هيه وش بلاكم علئ أمي ترآ خالد ولدها فلذت كبدهاا مابه صفرن ولا واحد صح أميمتي ؟
أم خالد وهي مسويه روحها زعلانه : إصلن محدن بحاس فيني غير خالد يسأل عني بكل وقت موب أنت وياه لاهين بداوماتكم وأنا منقعه فيذا محدن بسائلن عني !
ماجد وهو يجب راس أمه : جعلني قبلس ي أميمتى حنا مغير نمزح وخالد أخوي وابوي ف نفس الوقت مابه خلاف وكله مغير ضحك (أخذ مفاتيه سيارته وطلع ) يألله تبون شي أنا طالع ؟
ابو خالد : ؤين ؟
عهود : يعني ؤين يبه أكيد لأصحابه !
ماجد : مالس دخل ؤين بروح أنا فاهمه !
ععهود : الله والمكان إللي بتروح له إللحين أكيد مقهى معبئ ب شيشه ولا بلوت وش الجديد
ماجد وهو يقرب من أخته : كم مره أقولس مالس دخل فيني وش أسوي ووين أروح ولا تبيني أعيد لس اللي أمس (اللي أمس أنو ماجد ضرب عهود علئ سبب أتفه من هذا ) !
عهود : فيك خير مد يدك وأنت عارف إبوي وش بيسوي لك !
ماجد : الظاهر انس م تربيتي تكلميني كذآ وأنا أكبر منس .
ومد ماجد يده بيضرب عهود وقف ابو خالد ومسكه
ابو خالد : ما أنت بصاحي ي ماجد هذا وأنا واقف بتمد يدك علئ أختك وبعدين وشو اللي م تربت ؟ ليكون اناا لوحه ب الجدار ولا وش ؟
سكت ماجد وطلع معصّب كالعادة
قامت أم خالد تناديه : ماجد قليبي تعال !!! شفت ي ابو خالد الله يهداك مغير تزفه لحاله وتخليهاا ذا البنت م يصير تزف واحد وتخلي الثاني بيكرهون بعض عيالي بسبتك تفضل أحد علئ الثاني م يصير جعلني قبلك
ابو خالد وهو معصب : سمعيته وش قال أنتي ولا لا ؟ يقول م تربت أجل أنا وش دوري ب البيت مانيب بأبوه ولا وش اناا ولدس ي أم خالد متغير مهوب ماجد اللي أعرفه أنا ماجد اللي أعرفه م يمد يده علئ خواته هو آحن واحد عليهن لأمن رحت من الدنيا بوصيه واللحين يضربهن وقدامي ولا يتكلم عليهن لا جن ولدس مهوب صاحي !
عهود الدمعه ماسكتهااا وطلعت ل غرفتها ،
أم خالد :بعد عمرن طويل الله يخليك أنا أدري جعلني قبلك أنه متغير بس م قلت لك شي كلامك ماعليه خلاف بس لأمن تهاوشوا عيالك هاوشهم كلهم لا تهاوش واحد وتخلي الثاني أعدل بين عيالك لا تخليهم يكرهون بعضهم بسبت هواشك لهم واحد وتخلي الواحد الله يهديك .
ابو خالد : إصلن عيالس دلعتيهم وكبرتيهم علئ الدلع وذا آخرته ماجد بشوف وين بيوصل مع خواته .
وطلع ابو خالد من البيت وقعدت أم خالد لحالها ب الصاله ، عهود كانت بغرفتها تتذكر الموقف اللي ضربها ماجد فيه
كانت عهود جالسه ب الصاله تدور بالتلفزيون م لقت أي قناة حلوة دخل عليها ماجد ؤجلس جنبهاا
ماجد : علامس أثبتي علئ قناة وحده !
عهود : مالقيت شي مغير أخبار ومسلسلات مصريه وومسلسل واحد أعاده مو حلو إصلن
ماجد : طيب عطيني أشوف أنا أدور !
عهود : لا والله عشان تحط لي قناة غنوة علئ ذا إلي يتراقصن ما يستحن ، مانيب معطتك إياه !
ماجد وهو يطالع فيها وبدأ يعصب : نعمم م سمعت عيدي أشوف ؟؟؟؟؟
عهود : اظن انك موب أصمخ وسمعت وش قلت ههههههه لا الظاهر أصمخ توك مسكر من اللي مخرفنتك وماعاد تبي تسمع أحد !!
ماجد وهو معصب ويصارخ : احترمي نفسس أحسن لس وإلا والله ألعلي العظيم لأوريس شغلس عدل فاهمتني !
ؤقفت عهود : لا مافهمتك وش بتسسوي يعني ؟!!
وقف ماجد ومسك كف أخته بقوة: أنا أسألس فاهمتني ؟؟؟
عهود وهو تتعور من مسكة ماجد وتصارخ بوجهه : فكك يدي عورتني والله بنادي إبوي ترآا فككننني ماجد عوورتني وخخخر عنني إااهه !
ماجد وهو يشد علئ مسكتتته ويصاارخ : أنا سألت وأبو لسؤالي جواااااااب ومانيب فاكس لين تجاوبيني فاهمتني ؟؟؟
عهوود وهي تبكي من العواار وتصارخ : اههه وخخر عنني تعوورني !
ودخلت آمال وأم خالد علئ الصراخخخ جت آمال ومسكت ماجد
آمال : ماجد الله يهديك فك البنت عورتهااا فكهااا !
أم خالد جت ومسكت عهود : وش مسؤويه أنتي ؟؟ ماجد ولدي حبيبي أنت أنا بتفاهم معها بس فكههاا.
ماجد وهو يسحب عهود علئ الأرض ويطلع لغرفتهاا وعلى الدرج كانت الآآم عهود طاغية علئ الموقف ونفس الوقت الصدمة بعد علئ عهود ماجد أخوهاا اللي آحن لهاا من أي أحد بالدنيا يسحبها علئ الدرج زي الخروف ويصارخ عليهااا كانت بس تبي تموت عشان م يصير لهاا اللي صار مرة ثانيه وآمال وأم خالد يركضون ورا ماجد اللي سحب عهود بشرانية وغير رحمه سحبهااا لدرجه أنها انجرحت والدم ينزف بسبب صقعتها بالأرض وسحبها علئ الدرج ، دخلها الغرفة
ماجد : إسمعيني زين جاامعه مافيه والبعثة راح تتكنسل وعمري أشوفس طالعة من ذا الغرفة فااهمتنني ؟؟؟؟؟؟؟ جاووبيني لأيصير مثل اللي صار هاللحين ؟!!!
عهوود وهي وتصيح وتجمع نفسهاا : اطلع براا مابي آشوفك أنت موب أخووي اططلع برااا
قرب منها ماجد ومسك شعرهاا : إسمعيني كلام ثاني مابي وأقولس مرة ثانية جامعه مافيه حططي في بالس عدل انس ماراح تدرسين بكراا !
عهود : مالك دخل فيني إبوي حي وهو اللي له دخل أنت مالك دخخل تفهمم ،، ( وقفت وهي دايخه تصارخ بوجهه من الألم )
ماجد ما تحمل الصراخ بوجهه وعطاها كف لدرجة أنه رماها علئ الأرض وقام يضرب فيها من رجله ماكان بوعيه ماجد كان يضرب ويضرب من غير رحمه وآمال وأم خالد يحاولون يفكونها من ماجد اللي تغير مو قادرين قوته أكبر منهم كلهمم
ماجد : وخري عني ي يمهه !
أم خالد وهي تبكي : ي ولدي خلاص لا تضربها لأمن جاء ابوك يتفاهم معهاا ليه تسوي كذآ فاختك م يصير حعلني قبلككك خلاص اطلع برا وأنا أعلمهآ شغلهاا اطلع الله يهديك آمال أخذي أخووك طلععيه !
آمال وهي تصيح ومصدومه وتناظر ماجد نظرات حسسته أنو غلطان وانه تغير كثثثثييئيير : ما تؤقعتك كذآ ي ماجد ي أخونآاااااا (رصت ضروسها علئ آخر كلمها وهي تبككي وتصصيح )
ماجد حس بنظرات آمال له وحس باللي سواه لكن كبريائه منعه من أنه يشيل عهود اللي مغمئ عليهاا من الضرب !
ماجد وعيونه حمراء : إسمعيني الكلام اللي قلته بيصير جامعه مافيه !
أم خالد : ماججد وش قلت لك لا تخليني اتصل علئ ابوك ولا أنا أتعامل معك بأسلوب ثاني يألله اطلع براا.
ماجد : طيب ي عهود هالمره فكس مني أمي وآمال مرتن ثانية ماراح يفكني منس غير الموت ي عهود !
آمال وهي تصاأرخ : بسسسسسسسسس يآآآ مااجججددد يككفففففييئيئي اططلع برااااا
ماجد : علميهاا ي آمال الكلام اللي قلته مفهوووووم !!!
طلع ماجد وهو معصب كان يحاول يرجع يتسامح من أخته ويراضيها لكن الرجل طول عمره متكبر وكبريائه يطغى عليه ! (انتهى الموقف )
تذكرت عهود هالموقف وهي تصيح من الصدمة ومن كل شي تغير في ماجد أخوهااا ،، اتصلت علئ نوف صاحبتها أقرب وحده لها من الشله
عهود وهي تمسح دموعها : السلام عليكم !
نوف وهي مستغربه صوت عهود اللي متغير: وعليكككم السلاام عهود !
عهود : شخبارس ؟
نوف : الحمدلله بخير عساس بخير! عهود ؟
عهود وهي داريه ان نوف حست بتغير صوتها : لبيه !
نوف : تلبين بالحرم بس بغيت أسالس !؟
عهود : أمين وياس هلا امري ؟
نوف : وش بلآس صوتس متغير تعبانة ؟.
سكتت عهود وقعدت تصيح
نوف : عهود وش فيس ليه تصيحين عهود كلميني ؟! عهود : لا مافيني شي بس دقيت عليس عشان أقولس شي !
نوف : مع أني موب مصدقتس بس يألله قولي وش تبين ؟!
عهود : ماجد ي نوف متغير علي صائر يضربني تخيلي متغير كثير صصائر وحش وش أسوي علميني وأمس ضربني وأغمئ علي وهددني يقول جامعه مافيه وش أسسوي (وماقدرت عهود وبكت )
نوف وهي متأثره ببكاء عهود : عهود الله يهديك لا تبكين تعوذي من إبليس ماجد أخوس موب متغير بس يمكن حساس شوي وآنتي يمكن تكلمتي عليه أو كلمتيه بوقت هو مو رائق للكلام فيه أكيد مو متغير.
عهود وهو يزيد بكاها : لا ماجد أخوي متغير والله صائر يعصب علئ كل شي بالذات مني مدري ليه طول عمري احترمه واعده مو بس أخوي إلا إبوي وأمي وأخوي وكل شي بالدنيا ماجد كان آحن من أي أحد ثاني ي نوف والله تعبت مع ماجد مدري كيف تغير بيوم وليله (وتصيح أكثر )
نوف : لاحول ولا قوة إلا بالله عهود الله يهديك م يصير البكااء روحي تعوذي من إبليس وصلي لس ركعتين اطلبي من ربس يهدي أخوس ماجد وأكيد هي نزوة وبتعدي أكيد بيرجع مثل ماهو أنتي بس لا تصيحين وتضعفين والجامعه إنشالله مادام ابوس هو اللي مسجلس فيها والبعثه هو اللي موقع عليها أكيد محد بيوقف بطريق مستقبلس ي عهود أذكري الله
عهود وهي تصيح مو قادرة توقف بكاء : لا مستحيل يتغير ماجد هذا موب ماجد هذا وحش والله وحش موب أخوي حبيبي أخوي بعد روحي هذا موو هوو (وتصصيح أكثر )
نوف وهي تبدأ تدمع عيونهآ م قدرت تتحمل بس تحاول عشام م تضعف قدام صديقتهاا المنهارة : عهود الله يخليس لأهلس ولنا ي رب لا تصيحين قلت لس أكيد بيرجع مثل ماهو أنتي بس تعوذي من إبليس
عهود : أعوذ بالله من الشيطان الرجيم بس ي نوف
قاطعتها نوف : لا بس ولا شي وبعدين ؤين عهود الدفشة اللي ضربتها علمت فيني أسبوع ماراحت
عهود وهي تضحك : كلبه أنتي اللي استفزيتيني ههه وبعدين م ضربتس بس دفيتس
نوف : ماقصرتي حبيبتي دفيتيني وطرت هههههههههه من قصري مشالله خفيفه
عهود : خفي علينا ي الريشه ههههههههههه
وكملوا سؤالف وضحك وقفلت الخط عهود وقامت تصلي المغرب وتسننت ورجعت تنام ترتاح !
كل ذا الوقت اللي كلمت فيه عهود نوف ماجد راجع للبيت وكان واقف يسمع كل كلام عهود اللي قالته ويسمع بكاها ! تأثر بصياح أخته اللي م قدر يتحمله
فتح باب الغرفة لقاها نايمة راح وعدل لحافها وبأسها من رأسها ؤجلس يتكلم
ماجد : أنا أسف ي عهود م كنت أبي أهاوشس ولا أضربس كنت مو رائق سامحيني
كانت عهود صاحية بس يوم شافته خافت منه وسوت نفسها نايمة يوم عطاها ظهره بيطلع قامت تصيح من الكلام اللي سمعته ووقفت وقبل لا يطلع
عهود : ماجد ليه تسوي كذآ فيني
لف ماجد مستغرب أخته اللي كانت نايمة
ماجد باستغراب : عههووووود ؟؟
عهود : أي عهود أختك ليه تسوي كذآ أنت متغير ي ماجد كككثثير (وتصيح )
ماجد سكت ونزل رأسه ، وعهود قربت من أخوها
عهود : مستحيل تترجع أخوي حبيبي اللي أعرفه اللي أمس واليوم هذا موب أخوي أبدنن
ماجد : عهود انآآآ
وقاطعته عهود : مافيه كلام ينقال اطلع برااا
ماجد : بس ي عهود أنا كنت معصب وآنتي استفزيتني
عهود وهي تحاول تهدي نفسها : والضرب وسحبك لي حتى م كلفت عمرك تشيلني يوم طحت أنا اللي قلت لك أضربني !
ماجد : الشيطان حي مامات ي عهود وأنا جائس كنت براضيس
عهود : وكل مرة بتضربني فيها بتراضيني !
ماجد : مو كل مرة هذي إنشالله آخر مره وأوعدك ماعيدهاا
وضم أخته لحضنه وجلست تصيح
ماجد : إلا تعاااالي
عهود وهي مستغربه: وش ؟؟؟؟؟؟؟؟
ماجد : أرواقس حقت البعثة ترآ وديتهاا وقبلوس ف لوس أنجلوس !
عهوود : يعنني مع صاححباااتتتتتي !!!
ماجد : هههه أي مع صاحباتس !
عهود : أخيررننن بشوف الدبببب (وهي تناقز من الفرحهه )
ماجد وهي يبتسم وحس باللي سواه : يألله أنا بطلع وكلمي صاحباتس خبريهم ترآ البعثة مع الترم الجديد يعني بعد كم أسبوع بتسافرين علئ م تخلص الجوازات وأوراق جامعتس اللي هنا ؤاللي بلوس أنجلوس !
عهود وهي ترجع تضم أخوهاا : إاااه عسأاااني قببلكك قول أممين
ماجد : أمين ي رب العالمين
عهود : هيه أقصد يعني
قاطعها ماجد: أنتي تقولين جعلني قبلك قلت أمين فرصة وجتني بردهاا يعني يألله بطلع تبين شي !
عهود : لا سلامتك
وطلع ماجد من الغرفه وترك عهود وسط فرح وسعاده مغمورة مع الحزن والم الضرب اللي حاولت تخفيه عن أخوهااا اللي هو سبب هالألام !
-
نستطيع ب حياتنا ان نبادل الشعور نفسه تجاه أي أحد لكن من المستحيل إجبار أحدنا على ذلك الشعور ، قد تكون حياتنا مجرد مبدأ نعيش به ونختم هذا المبدأ ب الذهاب ، هكذا الاحساس له مبدأ تعيش له ومنه وينتهي أما ب فرح أو بتناسي أو بحزن .!
-
في بيت أبو سالم كان نفس الوقت في بيت ابو خالد وقت العصر الكل جالس فالصاله نوف ونايف ونورة وامهم وأبوهم .
ابو سالم وهو يناظر في نوف : وراتس مصنقره بذا اللي معس سولفي قولي إي شي الله يهديس .
نوف وهي تناظر أبوها ب دهشه : هاه (ؤنزلت البلاك بيري) ولا شي مغير أسولف مع عهود والبنات وبعدين يبه الله يهديك وش تبيني أسولف عنه (وتروح تجلس عند أبوهاا )
أم سالم : هذا انتم ي جيل هالوقت محدن بسائل عن الثاني !
نورة وهي تضحك : ترآ في فرق بيننا آحنآ وبينكم قبل يمه الله يهديس
نواف : وش فيه جيل هالوقت ي بعيدي !
ابو سالم : فيه كل شي خراب وضياع !
نوف : لا لا لا يبه وش اللي خراب يعني أنا ونورة ونواف خرااب (وتحط يدها علئ فمهاا )
أم سالم : أي خخراب وأنتي مصنقره بذا اللي معس وتقولين مهوب خراب
ابو سالم : وأمس صادقة هاللي معس خراب
نواف : يبه !
ابو سالم : سم !
نواف : سم الله عدوك بس بغيت فلوس ( ويحك رأسه )
ابو سالم : طيب طيب يصير خير !
نوف : هه قال أيش ابو سالم يصيئير خير يعني روح موت وتعال الخير للحين ماصار
الكل ضحك من نكته نوف السامجة وكان ودهم يسكتونها بس ذي أقوى حتى من أبوهاا
نورة : نوف حبيبتي انلقعي براا !
نوف وهي تبتسم : وش سويت هاه ؟
ابو سالم : وش قومس علئ أختس ي نورة ؟
نورة : وش قوممي ؟؟ م تسمع نكتتها السامجة !!
نوف : كيفي وش عندس م تبين تسمعين سكري أذونس والله بعد !!
نواف : هيه نوف عيدي عيدي بالله !!
نوف : خارج التغطيه ! نواف اطلع من مخي أحسن لك !
أم سالم : نوف وش رأيس تروحين تنادين لي الشغاله مو أحسن لس من قرقس الزائد !
نوف : طيب !
وراحت نوف وهي تنادي الشغاله
نوف وهي تنادي : يآآ جاكي شأن ؤينك
الشغاله : نعم أيش يبي ؟!
نوف : لا يكثر بس أمي تبيس !
الشغاله : أوكي أنا يجئ اللهين !
نوف : يألله اسرعي تبيس ضروري
وطلعت نوف ل غرفتهاا وجلست تقرأ رواية ودخلت عليها نووره أختهآا
نورة : بوووو !
نوف وهي خائفه من دخلت نورة عليها : وجعع ! وش قومس علي خرشتيني !
نورة وهي تضحك : شوفي شكلك ههههههههههه
نوف وهي تخز أختهآ : ههه ي ظريفة !!
نورة : شسمه تعالي بقولس شي !!
وجلست نورة ف السرير جنب أختهآاا .
نوف وهي توطي صوتها : عن سامي ؟!
نورة وهي مستحيه : أي !!
نوف م قدرت وضحكت بصصصوت عاااالي البيت كله سمععع ضحكتها من قوتها وهذا طبعها م تعرف تضحك بصوت منخفض لازم تصارخ وتصفق بيدينهاا
نورة وهي مستغربه : وش بلآس ليه تضحكين ؟!
نوف : اللححين أنتي تعاالي شوفي شكلس موب اناا إلي إشووف شككللي ههههههههههههههههه
نورة وهي ودها تضرب نوف كف : أقول الشرهه موب عليس علي اناا إلي جايتس ي الحولا !
نوف : عن الغلط !!
نورة : وخري عني !
ودفت نوف ووقفت عند باب الغرفة
نورة : مرة ثانية لا تجيني تشتكين لي فاهمة !
نوف : ليه الأخت محكمةة !!
نورة وهي متنرفزة : كف ترآاا !!!
نوف : أقول لا يكثر اطلعي وصكي الباب بقراا !
نورة وهي معصبه صكرت الباب بقووة
نوف وهي تصارخ : وججع كسرتتي ألبااب !!
نورة وهي تصارخ : حلااال لي !
طبعا كل وحده تكلم الثانيه وهي تصارخ!
نوف : اقووووووومممم !!!!؟
نورة : لا خلاصص برووح !
نوف وهي تضحك وتكلم نفسها : هههههه والله أني خارشتهم ، أي صح بكلم مناهل بشوف وش صار معهاا ؟
وأخذت الجوال واتصلت علئ مناهل م ترد واتصلت مرة ثانية لين ردت مناهل علئ الجوال
مناهل وهي مصعبه : خير خير خير !!!
نوف وهي تضحك : بدري توّس تردين ؟!
مناهل : كنت جالسه أتابع المسلسل فيه شي بعد ؟
نوف وهي تضحك : أي مسلسل ليكون الأرض الطيبة هههههههههههه
مناهل : طيبة ولا مكة ! امزح ترآ
نوف : كفف يعني ؟!
مناهل : وجع يوجعس قلت لس امزح !
نوف : لا يكثر إسمعي كلمتي مرام شفتي وش صار معهاا !
مناهل : تصدقين نسيت مرام !!!!
نووف وهي تضحك : إصلن هي لو تمر من جنبس م شفتيهاا كيف لا جت في بالس إصلن بتختفي هههههههههههه
مناهل وهي تضحك : أماا ذي صدقتي فيهاا هههههههههه
نوف : طيب طيب ترآ عهود متضائقه ومحتاجة أحد تكلمه !
مناهل وهي خائفه علئ عهود : ليئيئييه وش صصصصصار معهااا ليكون مراح تدرسس ؟؟!!!
نوف وهي حزنانة : لا أخوهاا !
مناهل : مااااات ؟؟؟؟؟؟
نوف : لاا يههبي ي فالس مأماات الله لا يقوله بس صائر يضربهاا وهددها أنه يفصلهاا !
منااهل : يألله طيب طيب أنقلععي بدق عليها وآنتي اتصلي ف سنفورة شوفي وش صار معهاا أوكي ؟!
نوف : طيب مع السلامة !
مناهل: مع السلامة
وصكرت الخط مناهل وعلى طول دقت علئ عهود اللي تغير حالها هي وأخوؤهاا
مناهل : الو عهوووووود الددبههه
عهود وهي تضحك : ههاه وش فيس ؟!!
مناهل : قالت لي نوف !
عهود وهي مستغربه : عن أيش ؟!
منااهل : عن ماجد أخوس !
عهوود : أييي لا الحمدلله توه راضاني وأبشرككك برووحح معااكم حجز لي معككم ونفسس الجاامعه وكله اسبووعين ونسافر ف بداية الترم الجدديد
منناهل وهي فرححاااننة : أحححححلللففي وأخخخييررررررنن !!!
عهود : أييي يقول الأسبوعين هذول بتطلع الجوازات وأوراق الجامعه ؤنزرقق ل امريكككااااا !
مناهل : إااااءءء وناأسسسسسسسه مو مصدقه ي الدببه بس تعالي ترآ لازم نشوف بعض بكرا ولا بعده أبي آشوفكم قبل نسافر !!
عهود : أؤككي أنا م عندي مانع بكراا نتقابل ف بانوراما بس شوفي البنات يناسبهم ولا لا ؟
مناهل : م عليس منهم غصبن عنهم بيناسبهم !
عهود : طيب حلو بانوراما ولا ؤين نروح !؟
مناهل : لا لا خليها علئ بانوراما أحسنن !
عهود ؛ أوكي ، شسمه منااهل أدق عليك بعدين إبوي يناديني وبقوله عن الطلعه بككرا !!
مناهل : أوكي وأنا بعد بقول لأخوي يألله مع السلامة
عهود : مع السلامة !!
-
صكرت نوف من مناهل ودقت علئ مرام ..
نوف : ممرححباا سنفورةة !
مرام : عععن الغلط وش تبين ؟
نوف وهي تضحك : م أبي شي بس بشوف وش صار معس !
مرام : ولا شي بس شسمه خلصت وطلعت أوراق الجامعه يعني أنا يمكن اسبقكم بالدفعه الأولى !
نوف : لاااااا نبي نروحح مع بعض بنفس الدفعهه !
مرام : إيي أدري بس أقصد الطيارة لأني بروح مع بنات عمي
نوف : أيييش وبنات عمس بيروحون معاس !؟
مرام : إيي يختتي لزقههم إبوي فيي عجززت اطلع والله شكلي بروح فيهاا بصير مرااقبة ف كل مككاان !!
نوف : لحظة ترآ إبوي حجز شقة لناا يعني بنات عمس مالي دخل فيهم إنشالله ينامون ب الشارع !
مرام : أؤككي يعني أنا وآنتي ومناهل وعهود ب شقه صح ؟
نوف : أي ي بقره أنا وش قاعده أقول !
مرام : أوكي بس بنات عمي أكيد بيجون معناا !
نوف : وخير يجون شقتي ذي مالهم دخل !!
مرام : بيشوفوني ادخل بيدخلون !
نوف : إسمعي البثرات ذولي دبري لهم شقه غير ! بس شقتي مستححييئيلل !
مراام : وأنا أبيس عشان ذا الموضوع!
نوف : تبيني إحجز لهممم بعد ! ؟
مرام : لا لالا لا لا بنسوي خطة عشان م يدخلون شقتك وتراهم عليهم لقافة يعني عادي يأخذون غرفتك !
نووف : نععم نعمم نعمم ؟؟ خخخيير مالي شغل موب داخلين معي !
مرام : أي أنتي إسمعي الخطططه !
نوف : أوكي أسمعس !
مرام : حنا إذا وصلنا امريكا ب السلامة ورحنا الفندق اللي فيه الشقه حقتنا أنتي بتروحين قبلناا أوكي !
نوف : أي وبعدين !
مرام : لا تقاطعيني خليني أكمل ! وبعدين ي طويلة العمر عهود تلحقكس يعني بالدور أنا ماراح أروح !
نوف : وش يعني بتجلسين معهم وبتخلينا !
ممرام وهي معصبه : لااااااا ذي خطططة خليني أكمل ططيب !
نووف : أييي يألله كملي !
مرام : وبعدين أدق علئ إبوي اناا وأقوله الشقه اللي أخذتها نوف صغيرة م تكفي إلا ثلاث وبخليه يحجز شقه برا الفندق فهمتي يعني مو نفس الفندق وبكذب علئ البثرات بقول إبوي حاجز لكم لحالكم وبسوي نفسي زعلانة لأني مراح أجي معهمم !! وش رأيس ب الخطططه !
نوف : ككففووو ي السنفوورة والله انس تنفععين وريحتيني من ذا البثثررات !!
مرام : نعم ؟
نوف : أسسفه هههههههههههههه
مرام : أنقلعيي يألله
نوف : ههههه بااااي
مرام : مع السسلامةة !
___
صكرت مرام الخط ؤنزلت تحت لأهلهاا لقتهم مجتمعين يسولفون عن رحلتهم !
مرام جت وجلست عند أبوها : وش فيكم تسولفون عن السفره !
ابو فهد : لا بس رائد بيروح معس ترآا !
مرام : إيي أدري أجل تبوني أروح لحالي وصاحباتي كل وحده بيروح معهاا أخوهاا ! وترا بيحطون لهم شقه للعيال يعني أنا بسكن مع البنات !
ابو سالم : وبنات عمس ؟
مرام : يووه يبه وش أبي فيهم أنا رائحة ادرس مو رائحة انتبه لهم هم الله لا يهينهم يصرفون أنفسهم وعمي الله يخليه يحجز لهم أنا ترآ أول م أنزل المطار أنا ورائد مالي شغل فيهمم ولا أبي أكلمهم
ابو سالم : وش ذا الحقد ي مرام علئ بنات عمس !
رائد : أي والله يبه مرام صادقة ترآ بنات عمي بثرات ولزقات وصراحة م ارتاح لهم اناا وترا مالي شغل فيهم أنا علي من أختي بسس !
مرام : إيي يبه رائد لي اناا يعني موب فاضي يطردهمم !
أم سالم : والله عيالي صادقين وش عليهم من بنات عمهم دام عندهم أبوهم وأخوأنهم وولدي رائد موب مكلوف فيهم ! وأحسب حسابك الصرف لا تصرف عليهم !
مرام : نننععم صصرف ؟؟
رائد : أيش يمه صرف ؟
ابو سالم : وش فيها أنا أصرف علئ بنات أخوي !
أم سالم : لا الله يهديك ي ابو سالم وش اللي وش فيهاا عيالك أهم منهمم وفلوسك لعيالك موب لعيال أخوك
مرام : والله بعد أسمع يبه ريال لا تطلع منك لهم وبعدين عمي حي الله يطول بعمره وعنده فلوس إخوانهم يشتغلون وعندهم فلوسس وبعدين أزيدك من الشعر بيت ترآ مو رائحين دراسة !
ابو سالم مستغرب : لأيش رائحين ؟!
مرام وهي تبتسم : رائحين كذآ بس شافوني بروح قالوا بنروح شفت ان ماعليهم قاصر وعندهم فلوس بس هم بيصيرون مثلي ومؤ قادرين !!!؟
رائد : لا وبعد رائحين ساهر لمرام وش تسوي وش تآكل وش تدرس ؤين تروح !!؟
ابو سالم : معقوولة ؟!!
أم سالم : إيي معقوولة أم جاسم قائلته بنفسهاا بناتي بيروحون سياححةةةة !! ماقالت دراسة !
ابو سالم : الكلام اللي وصلني غير !
رائد : مكذوب عليك ي ابو سالم !
مرام : وصاروخ كبير ي ابو سالم !
ابو سالم : الله يهداكم بس !
مرام : يألله أنا بروح أنام تعباانة !
رائد : إيي والله أنا بعد بروح اناام !
مرام تصبحون علئ خير
رائد : تصبحون علئ خير ! وآنتي من أهله مرام !
مرام : وأنت من أهله
ابو سالم وأم سالم : وأنتم من أهله !
رأاحت مراام ل غرفتهاا لقت جوالها فيه أكثر من مكاالمة ردت وعلمتها عهود بالطلعة بكرا ونوف بعد
دقت علئ مناهل والكل اتفق علئ الطلعه بكراا !


- انتظركم حبايبي وردودكم وإنشالله راح أكمل البارت إذا شفت تفاعل معي .! -

التوقيع


ˇ
گيييّفَ ﻟِي
ﺂن ﺂعُدد ﺂسباب حبّي لگ . .!
ۆ ﺂنَا ﻟﺂ ﺂملِگ سِۆىآ
أصابعي ﺂلعشرَه



رد مع اقتباس
 


أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 12:51 AM


جميع الحقوق محفوظة لفريق عمل حلم النسيان

جميع المشاركات تعبر عن رائي ناشرها ولا تخص رائي ادارة موقع حلم النسيان

sitemap RSS RSS2 ROR PHP HTML XML Archive tags maps maptag

 

رابط نصي

رابط نصي

رابط نصي

رابط نصي

رفع الصور

مركز الخليج

وظائف

رفع الملفات

رفع الصور

مركز تحميل الصور

حراج السيارات

حراج

حراج الخليج

رابط نصي

رابط نصي

رابط نصي

رابط نصي

رابط نصي

رابط نصي

رابط نصي

رابط نصي

رابط نصي

رابط نصي

رابط نصي

رابط نصي

رابط نصي

رابط نصي

رابط نصي

اننا كا ادارة موقع حلم النسيان لا نتعدي نهائيا على اى حقوق للنشر ولن نسمح باى انتهاك لاي حقوق نشر
و اذا وجد اى انتهاك من احد اعضاء المنتدي يرجى مراسلتنا على الاتصال بنا فورا