منتدى حلم النسيان

منتدى حلم النسيان (http://vb.llssll.com/index.php)
-   همس القوافي بيت الشعر والقصيد (http://vb.llssll.com/forumdisplay.php?f=19)
-   -   وش اللي صار حتى ما أكون بخير ...؟؟ (http://vb.llssll.com/showthread.php?t=18687)

» صَـبْـر ! 09-08-2009 01:49 PM

وش اللي صار حتى ما أكون بخير ...؟؟
 
صباحكمـ ورد جوري
\
مسائكمـ احساس عذب


بأكون بخير ...
لا تقلق
بأكون بخير

وبأتذكرْك .. ياخلـِّي
بعَد بالخير ...

وحتى لو
تشوف الحزن بعيوني
تعدَّى موطني و كونــــي ...

تراني بخير
لا تقلق
تراني بخير ...

وش اللي صار حتى ما أكون بخير ...؟؟

ولا حاجه ...
.
.
.
سوى إني صرت محتاجه ...
أكون بخير ...!!


ويعني لو
أغص بعبرتي والا
أموت بحسرتي .. يا خِـلّ
وش بيصير ؟

أبد عاااادي
.
.
.
ولا اهتميت بـ جروحي ولا فيني ...
قسم بالله
يا خلِّي ...
ترى عـــــادي ...
يجيني وش يجيني
ما نطقت الآه ...
لا بــــالله
ولا بي من يواسيني
مدام اني
أنــا .. من خانت التعبير ...!
يا خلـِّي

ووش بيصير
اذا صار الألم زادي ...
ورحت بدون ميعادي ؟
بأفسرها مثل حبـّـك
ولا بألقى لها تفسير ...


جروح الحب يا خلـِّي
هُم اولادي
أحَـد يزعل من اولاده ؟

أنا ماظن !

لكني
اذا ْ تغربـّـت فـ بلادي
أروح لمن !!
ياخلـِّي ...
أروح لمن ...؟

وأمسِّي مين في ليله :
" مساء الخير " ...
و لي غــنــّـى مواويله
و لـه تـقـدير ...

ولا يمكن
يهنــّيني فـأعيادي
سوى حبـّـه ...
وانا طبــّـه ...
وانا فجريــة اعياده ...

أجل يا خِـلّ ..
من اللي بعدها بآظلّ

أتذكر
وأعدّ وأنتظر وأحسب
بقى كم يوم
يا خلِّي
لذكرى عيد ميلاده ؟

وكيف اهرب
من احزاني
وانا من وين ما أهرب
بــ ألقاني ...!
ويلقى حزني بلاده ...

وكيف آعيش فالعالـــم
وانا ما أملك الا ذكريات الحب
في خاتم ...
وســـجاده ...
و ملح أحمر !
ودولابي ... ومكياجي
و عود ٍ ناحل ٍ أسمر ...
وبرج ٍ أحسِـبـه عاجي
و زهرة لوتس .. وحلم ٍ
صحى والكون متدمر !
ووش باقي ..؟
فقط لا غيـــر
أنـــا يمكن ../.. وأشواقي
وبعض اشعار معتاده ...
؟
؟
؟
وبس تدري ؟

أبد عاااادي ...
ووش بيصير
الى من ضاعت سنيني؟
عمر فاني ...
بأعزِّي تــُـربتي فيني ...
وما جـــاني ؟
أبد .. تكفيــــر ...

وذي عاده ...
انا من وين
يا خلـِّي
بأشوف الخير ...؟
و لي عشرين عام ٍ
كلـّما جتني بشاير خيـــر
.
.
.
خذاه الطير ...!!

خذااااه الطيــــــر يا خلِّي ...
خذاه الطير ...

ووش تفرق ؟
إذا شمسي
تدوِّر في ظلام الروح عن مشرق
ولا تشرق ...
ولا تمسي
ولااااا تفرق ...!

بأكون بخير ...
لا تقلق
بأكون بخير

.
.
.

كلّ ما يلقى الفـَرَح يمِّي طريق
.................... لا لقى وجهي ..؟.. تكـدَّر وانتحَب ...!!

كن ّ ( عيني ) صارت فـ ( همّي ) بريق !
.................... وكن ّ جوفي نـــار وضلوعي حـطـَـب

والعِـشِـق ماهوب من حظ العشيق
.................... وش لقينا من وراه إلا الـتـعَب

لا لقينا صِدْق محتاج لـْ صديق
.................... والهــَـنا لا ذاق وعـْد ولا شرَب

ومـا يطيح الورد من ثـقل الرحيق
.................... ما تشوف الأرض تمـسك بالخشَـب ؟

بأسهر الليله بلا لـيـل ورفـيـق
.................... دام غصن التـــّوت ما طال العنــَب

مجرم الأحلام من نومي طليق
.................... وهاجس السجّـان في همّـي لعَب

رحت ابطفي بالبكا نار الحريق
.................... واثرني طـفـّـيت عيني بالـلـهَـب !!

صاحبي ما عاد لي نفس ٍ تطيق
.................... وماعلى المحروم من نفسه ...عتــَب

إنثر اْدموعك عليّ ..( ودي أفيق ...
....................... وادري إنـــّي مت ّ ..).. طالبتـْـك طلـَب

ليتها بسْ جت على كوني يضيق
.................... البلا ضاقت عظامي يا عرَب !!!!

الحياة اليوم ما تسوى شهيـــق
.................... كنت أبحــيـا .. بس.... ربي ما كتـــَب

وكل ما ينسد ّ في وجهي طريق
.................... تضحك الفرحة عليّ .. ْبــلا سبَب ...؟!

.
.
.
.
.
.
.
.
.
.
.
.
.
.
تـشوف شلون
يا خلِّي
فراقك غير ...!
.
.
.

أجل وشلون
تطلبني : " أكون بخير ...؟! "
.
.
.


أ
ك
و
ن

.

ب
خ
ي
ر
.
.
.
!!!
.
.
.
.
.
.
ويعني بس
هذا اللي
تبي مني
وتطلبني ...

ألا يا خِــل ّ...؟
.
.
.
وكني بك تجاوبني :


" فقط لا غير ..."
.
..
...
..
.
فقط لا غير ...!!
.
.
.
أبد إبشــر ...
تطـــمـّـن يا معذبني ...
تراك بـ حِــل ّ ...
.
.
.
تراك بحل لو قالوا : حبيبك مـَـل َّ ...!


وانا ادرى النـــاس
في طبعك ...

ملول وتعشق التـغـيـيـر ...
يا خلـِّـي

ولا تنلام ...
ذا طبعك
وانا دلوعتك واعرف
طباعك زين ...
وانا اللي كنت أقرب لك
من اقرب شخص من ربعك ...

تبي تسكت .. أنا أكــمـّـل ...
ولا تخبِّـي ...
أبــتــحـمــّـل ...

وأكون بخير …

ما قصـّرت
لا يا خلّ
.
.
.
لا تسكت
ولا تخبـِّـي ...

تطمَّـن
واحلف بربٍِّي ...
.
.
.
بأكون بخير ...
يا حبـِّي

إذا انت بخير ...
.
.
.
.
.
.
.
.
.
.
.
.
.
.
عساك بخير



راقت لي { :ق1:

حلآوة روُح 09-08-2009 01:58 PM

رد: وش اللي صار حتى ما أكون بخير ...؟؟
 
صح لسااان شاعرهـا..
كلمات أكثر من رائعه..


راق لي أختيارك..لاهنتي..



» Ệҳĭţ ! 09-08-2009 03:19 PM

رد: وش اللي صار حتى ما أكون بخير ...؟؟
 
روووعه

واختيار اروووع ~

لاهنتي

•● β έ ê ş ħ σ « 09-08-2009 03:24 PM

رد: وش اللي صار حتى ما أكون بخير ...؟؟
 


صرـآآآحه موضوع في منتهى الروعه ..
يعطيك العاافيه ..حبيبتي..والله انتس مبدعه..
ربي يحفظك ويحميك..
الله لايحرمنا منك ولا من مشاركاتك الأكثر من رائعه..
ننتظر جديدك القادم بكل شووق..
دمتِ بحفظ الرحمن..
Dll3..



●●يًتٍيمْ الشُوُقْ → ♥ 09-08-2009 03:30 PM

رد: وش اللي صار حتى ما أكون بخير ...؟؟
 
رووووووووووعه

يعطيك العافيه يالغلا

على نقلك المميز والرائع

تقبلي طلتي

تحـــياااتي العطره


الساعة الآن 05:19 AM

Powered by vBulletin® Copyright ©2000 - 2021, Jelsoft Enterprises Ltd. TranZ By Almuhajir
http://www.llssll.com/we