منتدى حلم النسيان

منتدى حلم النسيان (http://vb.llssll.com/index.php)
-   خواطر - خواطر حب - خواطر حزينه - خواطر رومانسية (http://vb.llssll.com/forumdisplay.php?f=27)
-   -   14 شمعه (http://vb.llssll.com/showthread.php?t=105317)

miush 25-03-2013 09:19 AM

14 شمعه
 
الشمـعة الـــ [ 1 ] :


يفوح العود من [ جمره ]
وستر اجسادنا من [ ابره ]..!!
ومن ذرة رمل هذا الجبل ياصاحبي كبره ,
اذا ماصرت انت الورد || خلك دايما عطره !!
مثل شاعر يكون النحل ،وتكون الناس
كل الناس هي زهره..!!
ويجيب من الكلام " اشكال..
شعر صافي لاصار الحب هو قدره...
وحياتك انت..تنهيها وتبديها..
ترى بـ فكرة !







الشمـعة الـــ [ 2 ] :



حنا تأذينا كثير...
حنا القلوب الطيبه ،
نمشي بأحاسيس ونسير..كل شي نشوفه نجذبه..
والمشكله ان الزمان || ثابت وحنا به ندور..
نجرح بعضنا ونعتذر ..نجرح بعضنا ثم نقول..
هذا . الزمن مابه شعور..
كل شئ حولك للأسف..
اشياءه كلها مؤلمه...
وحنا "القلوب الطيبه" ..
كل شئ نشوفه نجذبه ..
..................الله يعين الطيبين..
أهل القلوب المفعمه...
بالرحمة والحب الكبير...
بس مابقى إلا سؤال..
هذي البشر..
هل هيّ فعلاً
مسلمه !!






الشمـعة الـــ [ 3 ] :



إذا أنت عالي باحساسك ..
وكل إنسان من حولك بليد شعور
لا تقعد تفكر أو تلف وتدور
بمعنى أجمل .الاشياء
هو الأحسااااس
واذا الاحساس مو موجود في ناسك .. يعين الله
إشعل فكرك وسافر
عن الواقع لـ كراسك
ومن الأوراق اصنع لك جناحين
وقبل لاتروح لاتنسى تغمض بالخيال
وطير ،







الشمـعة الـــ [ 4 ] :



ولاتحزن بعد هذا المسا { ياخوك تهندم ..!
تعلم تمشي فوق الجرح ،
ورآ .كل .ليل ياخي صبح ..!
حزين وليش كل هذا !؟
تلفت شوف في بالك .. منو الليفكر يجي لك .!
ويسأل وش هي أحوالك ..!
ولا أحــــد ..!!
إذا ما في أحد يستاهل أحزانك
أو تكرم حياته بـ حسرة أو دمعه من أجفانك
ولا واحد أكيد يحس ..
خلك دوم .. خلك دوم فوق النفس ..!







الشمـعة الـــ [5 ] :



ياطـــــــيب وين رايح وين..!
تمهل قبل هذا الوقت يجرحك بسكاكينه..
اخذ مني .. ترى كذب الكلام يبان..
ولا تصدق كثير من الكلام بذوق يحلونه!
واعرفك طيب وحساس .. تصدق كل شيء ادري
تحب الناس ع النيه ... معاهم وين ماراحوا ع النيه
ولكن التفت لحظه ..!
واخذ مني .. { ترى الطيب في هذا الوقت..
لو تدري بـ رمشة عين.. بـ رمشة عين يبيعونه ..!







الشمـعة الـــ [ 6 ] :


أكبر شتيمة بهـالزمن كلمة هلا...
ياكبرها بهـالوقت وياقل الفعل
أدري أنا لسانك يـرحب بالملا...
وقلبك يشتم كل من عندك وصل..
ترحيبتك دايم تجي .هلا .و غلا
..ومفارقك كل الغـلا يـا بن الاصل..
لا أنت كبر هذي الـ هلا وأيضًا ولا
..كبر الغلا واثري الحكي عندك سهل .. !!!
أكبر شتيمة بهـالزمن كلمة هلا...
ياكبرها بهـالوقت وياقل الفعل !!!






الشمـعة الـــ [ 7 ] :



صاحبت بالدنيا كثير منهو صفالك منهم...!
لاينشغل بالك ابد..
ولاتجيهم كلهم..
لاتلتفت للي مضى .. عينك على باكر...
قو العزيمة و انتفض
واصرخ ........................ انا قــــــادر
واصنع حياتك بالقرار... وبدل ظلامك بالنهار..
وان كان ودك في اخو ... صاحب يعينك بالطريق..
لاتلتفت للناس ابــــد
خلك مع نفسك اخو... النفس هي صاحب!







الشمعة الـــ [ 8 ] :


ارقى على جروحك غصب... لاتشتكي للناس ابد.. !!
الناس مشغوله....واللي تبي تقوله...اصلا اهو بالناس...
مثلك ومجروحه..كل ٍ لثم بوحه....ما راح تلقى لك احد....
العز هو شمعك...ارفع عيونك فوق...واوقد امل عمرك..
.من قلبك وصبرك...بالك تطفي العز...كل ما انتثر دمعك...
ولاتشتت افكارك..."إنــــت" كثير اشياء..بس فكر بجمعك..
وكمل حياتك صح!
وكمل حياتك صح!







الشمـعة الـــ [ 9 ] :


تصدق عاد ..
طلعت العب على الحبلين..!
انا من اثنين دنيا و دين
يعني الذاكرة نصفين ..
صلاة وأدعية في صوب .. وشعر واغنيات بـ صوب ..!
تصدق عاد || أنا إنسان مرضي ربي وخايف.. ولا أدري ليش ؟!
ولا ادري شلون انا اتكيف مع الدنيا عشان اعيش..؟!
يـــارب
يارب وحدني في راسي ..
عشان اسمو ، عشان اعيش







الشمـعة الـــ [ 10 ] :



ماتفهمين...!!! كم قلت لك لاتكتبين ...
البعض يبحث عن صور ... يبي . يغذي ناظره ...
يا مســافره لدار الأدب....
البعض الاخر وإن قرأ ... يقرأ سطر أو نص سطر....
انقلبت الاوضاع ثم صار الأدب..قلة أدب
|| أو قلة الأدب أدب...
وإنتي ذهب...أدري بخيالك متعبة..
وتفكرين وتنزفين ... من فكره لفكره..
يسافر بك قلم...ألم ..
محد يمر وينتبه وش كثر انتي مرهقة !
وكم تتألمين !
لاتسألين ..
الحـــل
الحل بس قولي معي : الله يعين ..!






الشمـعة الـــ [ 12 ] :



الدنيا فيها شيئين ..شيئين يكونوا بالناس..
سلبي والاخر ايجابي .. السلبي لو قلت الصدق..
كل الصدق .بقلب ودين .. محد صدقني بـ يصدق..
لو تحلف لو شنهو تسوي..
مليون خاين وكذاب .. مروا أشكال والوان..
خانو أُمة في أكلمها..
يعني تبغى الناس الحين .. إتصدق بس إنت الصادق ؟!
لو الناس تصير لسان .. صوت لسان الناس يقول :
فارق فارق ,
والإيجابي لاشك أنه..إن للحين الناس بخير..
ومصدقه في هذا الشئ.. لازالت في خير وتــؤمن..
إن الله الحق المؤمن..
وإن رسول الله محمد..هو رسول الله الصادق..!!







الشمـعة الـــ [13 ] :



اذيت نفســـك ليه..؟!
ومنهو عليه اذيتها !!!
للي تــــــرك وراح , للي نساك وراح !
شوفه مع احبابه
مستانس ومبسوط..!
وإنت تعيش الاسئله :
يمكن يجي أو ما يجي..؟!
|| والعمر ولّى وراح ..







الشمـعة الـــ [ 14 ] :



مبروك إلى كل العرب ..~
مبروك لـ لأقصى الشريف
من بعد ما ذقنا القهر .. و الموت بـ أنواع اللهب
اليوم اجتمعوا الرجال..
مشايخ الدين العظام .. وأهل الثقافة والكتب ..
مع كل رؤساء العرب ..,
طبعا وتم الإتفاق على اختراع القائد الصعب الهمام ,
اللي إكتشف شي يداري ذلنا .!!
شي يخلينا نموت || أحياء لكن في سلام !
"تم اكتشاف القنلبة "
هو مصطلح : [ ناشط سلام ] .., !!!



شوشَ،1995 25-03-2013 03:56 PM

رد: 14 شمعه
 
وووِ آخذتنيُ كلمإُتككِ ..*

حيثِ مكنوِنهإُءء لممُ يغآدرنيُ ولممُ يبرحِ آلفؤآدِ ..* ق1

لِ يتحرككِ علىىُ ـآ أنغإُمهآ ومعهآ يتمآيلِ ويترآقصِ طرباً ..* ف8

فهنيئاً لنآ هذآ آلأقلآإُممُ وذلككِ آلأحسآسِ ..*

لكِ ن1 ن1 ن1 ن1 ن1 ..*

ق1 ف8 ..*

ßєsτ ɢɪяℓ 25-03-2013 06:02 PM

رد: 14 شمعه
 
كلمآآآآ ت رآآئعةة مثلكِ اميرتي ق1ق1


ععوآآآآآآفي ي ميشو ق1ق1

miush 25-03-2013 09:46 PM

رد: 14 شمعه
 
حبآيب قلبي و1
منورين و1و1

- روُش . 25-03-2013 11:31 PM

رد: 14 شمعه
 
_

كلممِآتَ جميلههَ وخآلقيَ و1ق1ق1
يعطيكِ الففَ عآفيه حبيبتيَ :$ ق1ق1





لآ عدمننِآكَ :wz2013-176::wz2013-176::wz2013-176::wz2013-176::wz2013-176:ق2


الساعة الآن 12:58 AM

Powered by vBulletin® Copyright ©2000 - 2021, Jelsoft Enterprises Ltd. TranZ By Almuhajir
http://www.llssll.com/we